Muigizaji wa zamani wa kipindi cha Machachari Tyler Mbaya almaarufu Baha anakabiliwa na tuhuma nzito ya ulaghai baada ya mwanamke Mkenya anayeishi Marekani kumshtumu kwa madai kwamba alimdanganya ili kupata msaada wa kifedha.
Siku ya Ijumaa, mwanamke kwa jina Nurse Judy aliibua madai kuwa baba huyo wa mtoto mmoja alimfikia kupitia mitandao ya kijamii akililia msaada huku akidai kwamba alikuwa akikabiliwa na matatizo ya kifedha na familia yake ndogo ilikuwa inakaribia kufurushwa kutoka kwa nyumba yao ya kupanga.
Alidai kwamba mwigizaji huyo alimuomba dola 400 lakini akamtumia dola 150 pekee ambapo aliendelea kumuomba zaidi.
“Baada ya kumtumia dola 150 ambazo hata hakuzithamini, alianza kutuma sauti za huruma, akizungumzia kutokuwa na wazazi na marafiki wa kugeukia isipokuwa nesi Judy cheeii. Aliendelea kupiga simu, nikawa naudhika. Nilienda kwenye ukurasa wa mkewe ili kuangalia kama huenda akaunti yake ilidukuliwa na labda alitangaza. Lakini nilipofika huko nililazimika kwenda DM," Judy alisema kwenye Instagram.
Alifichua kuwa mpenziwe Baha, Georgina Njenga alifutilia mbali madai ya kufurushwa kutoka kwa nyumba na akamfichulia kuwa muigizaji huyo anakabiliwa na tatizo la kamari. Georgina aidha alibainisha kwamba amekuwa akigharamia bili zote.
"Ana tatizo la kamari lakini kama kuna chochote hakukopa pesa ili kutusaidia kwa lolote, pengine kwake," ujumbe ambao Judy alidai ulitoka kwa Georgina ulisomeka.
Judy alidai kwamba watu wengine kadhaa huko Marekan pia walidai kupokea maombi sawa kutoka kwa mwigizaji huyo.
Kwenye ukurasa wa Instagram, Baha alikiri kwamba hayuko sawa na kueleza kuwa anashughulika kutatua mambo.
"Siko sawa, ninaifanyia kazi," alisema Ijumaa.
Aliendelea kufichua kuwa anauza akaunti yake ya Instagram na ya TikTok, labda ili kusuluhisha matatizo yake ya kifedha.
Aidha, imebainika kwamba muigizaji huyo na mzazi mwenzake, Georgina Njenga wameacha kufuatiliana kwenye mtandao wa Instagram, dokezo kwamba heunda mambo sio mazuri kabisa nyumbani.
