Mwanahabari kutoka taifa la Tanzania, Mwijaku ameonyesha kutofurahishwa kwa BASATA baada ya Alikiba kukosekana kwenye orodha ya wasanii bora wa mwaka.
Mwijaku alisema kwamba sio haki Ben Pol kuwepo kwenye orodha ya wasanii bora wa mwaka na Alikiba kukosekana , kwa kile alichokisema kwamba Alikiba alifanya kazi kubwa katika mwaka wa 2021.
Alisema kwamba ngoma ya UTU yake Alikiba ni kubwa mno na ilipaswa kujumuishwa kwenye orodha ya ngoma bora.
"UTU inakosekana vipi kuteuliwa? Labda sio wimbo wa Tanzania ama Bongo fleva?" Mwijaku aliandika.
Kulingana na ujumbe mrefu aliochapisha katika ukurasa wake wa Instagram, Mwijaku alisema kwamba shirikisho hilo linakosa vipengele vya umakini katika mchakato wa kuandaa tuzo hizo.
