Watumiaji wa Twitter wapiga kura kuunga mkono Elon Musk kujiuzulu

Watumiaji wa Twitter wamepiga kura ya kumuunga mkono Elon Musk kujiuzulu kama mtendaji mkuu wa jukwaa hilo baada ya bilionea huyo kufanya kura ya maoni kuhusu mustakabali wake.

Jumla ya 57.5% walipiga kura ya "ndiyo" baada ya Bw Musk kuwauliza wafuasi wake milioni 122 ikiwa anafaa kujiuzulu. Bw Musk, ambaye alinunua Twitter kwa $44bn (£36bn), alisema kabla ya uchaguzi kufungwa kwamba atatii matokeo.

Tajiri huyo wa teknolojia, ambaye pia anaendesha kampuni za Tesla na Space X, amekabiliwa na ukosoaji mwingi tangu kuchukua tovuti. Bw Musk bado hajatoa maoni yake tangu uchaguzi ufungwe. Hata kama angejiuzulu kama mtendaji mkuu, angebaki kuwa mmiliki wa Twitter.

Zaidi ya watumiaji milioni 17.5 walipiga kura katika kura yake Jumatatu, huku 42.5% wakipiga kura ya hapana kwa Bw Musk kujiuzulu. Katika siku za nyuma Bw Musk alitii kura za Twitter. Anapenda kunukuu maneno "vox populi, vox dei", maneno ya Kilatini ambayo takribani yanamaanisha "sauti ya watu ni sauti ya Mungu".

Ndege ya kibinafsi ya Bw Musk inaonekana ikiwa njiani kurejea kutoka Kombe la Dunia nchini Qatar, ambako alipigwa picha kwenye fainali karibu na mkwe wa Donald Trump Jared Kushner siku ya Jumapili.

Kampuni ya magari ya umeme ya Musk imeporomoka kwa thamani yake, huku wengine wakisema kupendezwa kwake na Twitter kunaharibu chapa hiyo. Alipata uungwaji mkono wa wawekezaji kadhaa kusaidia kupata ununuzi wake wa Twitter.