Rais wa Afrika Kusini Cyril Ramaphosa hatajiuzulu licha ya kashfa ya pesa zilizoibwa kutoka kwa shamba lake, msemaji wake anasema.
Mzozo huo unatokana na madai kwamba aliweka pesa nyingi kwenye mali yake kisha kuficha wizi huo.
Jopo la wataalamu wa sheria lilihitimisha kuwa ana kesi ya kujibu.
Siku ya Jumapili na Jumatatu, vyombo vya juu vya uongozi vya African National Congress (ANC) vinatarajiwa kukutana ili kuamua hatua zinazofuata za chama.
Lakini msemaji wa Bw Ramaphosa alipendekeza angepambana, na badala ya kujiuzulu atawania muhula wa pili kama kiongozi wa chama chake cha African National Congress.
“Rais Ramaphosa hajiuzulu kutokana na ripoti yenye dosari wala hajiondoi,” Vincent Magwenya alisema.
“Inaweza kuwa kwa maslahi ya muda mrefu na uendelevu wa demokrasia yetu ya kikatiba, zaidi ya urais wa Ramaphosa, kwamba ripoti hiyo yenye dosari dhahiri inapingwa, ” aliongeza.
Kashfa hiyo ilizuka mwezi Juni, wakati mkuu wa zamani wa jasusi wa Afrika Kusini, Arthur Fraser, alipowasilisha malalamiko kwa polisi akimshtumu rais kwa kuficha wizi wa $4m (£3.25m) pesa taslimu kutoka shamba lake la Phala Phala mnamo 2020.
