• Alisema 'sio uchoyo kutaka nyongeza ya mishahara' huku akizungumzia hofu yake kwa fedha za familia yake.
• "Niko kwenye chemotherapy na nimekuwa kwa miaka mingi na nimekuwa mgonjwa sana," aliiambia The Telegraph.
Image: Maktaba,
Mfanyikazi mmoja amezua tafrani kwenye mitandao ya kijamii baada ya kuripotiwa kwamba ameelekea mahakamani kuishtaki kampuni ambayo imemuajiri kwa kumnyima nyongeza ya mshahara.
Kwa mujibu wa Daily Mail, jamaa huyo amekuwa kwenye likizo ya ugonjwa kwa miaka 15 na alitaka nyongeza ya shilingi milioni 9.9 kwa miaka hiyo yote amekuwa katika likizo ya kugonjeka.
Alisema 'sio uchoyo kutaka nyongeza ya mishahara' huku akizungumzia hofu yake kwa fedha za familia yake.
Ian Clifford, 50, alitiwa saini na kuacha kazi mwaka wa 2008 kwa misingi ya afya ya akili na aligunduliwa na saratani ya damu ya hatua ya nne mwaka 2012.
Alikuwa amehakikishiwa kupokea pauni 54,000 kwa mwaka hadi umri wa miaka 65 chini ya mpango wa afya wa kampuni hiyo - ikimaanisha kuwa ataweka mfukoni zaidi ya pauni milioni 1.5.
Lakini mwaka jana aliishtaki kampuni hiyo kwa ubaguzi wa walemavu kwa sababu kampuni hiyo haikuwa imekagua malipo yake tangu 2013.
Mahakama ya waajiri huko Reading, Berkshire, nchini Uingereza ilitupilia mbali madai yake na jaji alimwambia Bw Clifford kuwa alikuwa amepewa 'faida kubwa sana' na 'matunzo mazuri'.
Akizungumza kwa mara ya kwanza tangu uamuzi huo, Bw Clifford alisema uwezekano wa yeye kuishi zaidi ya miaka 65 'hauwezekani sana', akiongeza kuwa alitaka kuhakikisha mwanawe anatunzwa.
"Niko kwenye chemotherapy na nimekuwa kwa miaka mingi na nimekuwa mgonjwa sana," aliiambia The Telegraph.
'Mshahara wako unaathiri huduma yako ya deni, pensheni na kila kitu kingine, ulikuwa zaidi kwa familia yangu.
'Watu wanaweza kufikiri, ndiyo, ni ukarimu, lakini kwanza kiasi hicho ni cha jumla hakitozwi kodi... mimi hulipa bima ya taifa kwa kiasi hicho.
'Nina mtoto wa kiume [ambaye] yuko chuo kikuu. Rehani yako haishuki kwa sababu wewe ni mgonjwa.'
Bw Clifford alianza kufanya kazi katika kampuni ya programu ya Lotus Development ya Marekani mwaka wa 2000, miaka mitano baada ya kununuliwa na IBM kwa karibu £3bilioni.
Alikwenda likizo ya ugonjwa Septemba 2008 hadi 2013 alipotoa malalamiko, akipinga kuwa hajapata nyongeza ya mishahara wala kupokea malipo ya likizo katika kipindi hicho cha miaka mitano.