Viongozi mbalimbali wakiongozwa na Rais Uhuru Kenyatta wamemuomboleza aliyekuwa mkuu wa wa utumishi wa Umma, Dkt Richard Leakey ambaye aliaga dunia siku ya Jumapili akiwa na umri wa miaka 77
Rais alimtaja Leakey kama mtetezi na mwazilishi wa tasisi mingi humu nchini.
"Dkt Leakey atakumbukwa kwake katika masuala ya uanaharakati na alifanikiwa kuanzisha taasisi kadhaa, likiwemo shirika lla wildlifeDirect" Rais Uhuru alisema
Leakey ambaye alikuwa mwandani wa Charles NJonjo alifariki muda mfupi baada ya kifo cha Njonjo kutangazwa.
Naibu wa Rais, William Ruto kupitia ukurasa wake wa Twitter alimtaja Leakey kama mwenye kipawa na bidii katika kazi zote za serikali ambazo alikabidhiwa kutekeleza.
"Dkt Leakey alikuwa mwanapalaeoanthropolojia na Mhifadhi mwenye kipawa, mwenye bidii na aliyedhamiria ambaye alitekeleza ahadi zake kwa bidii." Ruto alinakiri kwa mtandao
Aliendelea kumtaja Leakey kama shujaa aliyepigania nchi, kupitia juhudi zake katika uhifadhi na utumishi wa umma.
"Alipigania kishujaa nchi iliyo bora kupitia juhudi zake katika uhifadhi, siasa na utumishi wa umma, mara nyingi akifanya vyema katika nyanja tofauti na kuwatia moyo Wakenya wengi kwa uaminifu wake kwa nchi yake. Aliipenda Kenya. Pumzika kwa Amani Dr Richard Leakey"
Dkt Leakey aliwahi kuhudumu kama mkurugenzi wa Makavazi ya kitaifa na mwenyekiti wa bodi ya shirika la KWS
