Kenya leo imesajili visa vipya 538 vya ugonjwa wa corona baada ya sampuli 6195 kupimwa katika muda wa saa 24 zilizopita .visa hivyo sasa vinafikisha jumla ya visa vya wagonjwa wa corona nchini kuwa 24,411 huku sampuli zilizopimwa zikifikia 335,318.
Katibu wa utawala katika wizara ya Afya Rashid Aman amesema katika ya visa hivyo vipya 516 ni vya wakenya ilhali 22 ni vya raia wa kigeni .wanaume ni 333 huku wanawake wakiwa 205 .Mgonjwa wa umri wa chini sana ana miaka 2 huku wa juu zaidi akiwa na miaka 85 .
Aman amesema Nairobi inazidi kuongoza kwa visa vingi baada ya kusajili 277 ikifuatwa na Kiambu kwa visa 72.
Aliongeza kwamba watu 514 wamepona na kufikisha jumla ya idadi ya waliopona kuwa 10,444
Hata hivyo watu wanane wameaga dunia na kufikisha jumla ya walioangamizwa na Covid 19 kuwa 399 .