Msanii Notiflow amemtupia makavu Erick Omondi baada ya mcheshi huyo kumnunulia gari mpenzi wake.
Notiflow kupitia ujumbe aliochapisha katika insta story yake, alisema kwamba mastaa wengi wanaiga kitendo chake cha kumzawidi mpenziwe gari ili kuwafurahisha mashabiki ila yote ni uongo.
Aliwataka wasanii kuishi kulingana na uwezo wao wala sio kufanya vitu ili kuufurahisha umma na kuwapiga vita wasanii wenzao ambao wanafanya mambo makubwa.
Kichuna huyo alimtaka Erick Omondi kuweka wazi risiti za gari alilomnunulia mpenzi wake [Lynne] , kwa sababu anahisi kwamba kilikuwa kitendo cha kutafuta kiki tu.
Kwa upande wake Erick Omondi alimtaka Notiflow kukoma kumtaja kwa kuwa hawapo kwenye viwango sawa.
"Ambieni huyo chokora asiwai ita jina yangu tena," Omondi aliandika.
Notiflow alipakia logbook ya gari alilolinunua katika mtandao wa Instagram, kuonyesha uhalisia wa kitendo chake.
Je unaamini wasanii wanaonyesha maisha tofauti mitandaoni ili kuwafurahisha mashabiki?
