Mtangazaji na mfanyibiashara kutoka Tanzania, Zamaradi amesema wazi kwamba hangependa mume wake aoe mke wa pili.
Akizungumza katika mahojiano na Millard Ayo, Zamaradi alisema kwamba yeye ni mtu mwenye wivu katika mapenzi na kwamba hangependa kuwepo na mke mwenza.
Aidha alikiri kwamba kuoa mke wa pili sio jambo rahisi na kwamba kunapaswa kuwepo majadiliano ya kina kati ya wanandoa ili kuhakikisha kila mmoja anaridhia uamuzi huo.
“Sijui mbona watu wanachukulia jambo hilo poa tu, sio rahisi wanavyofikiria,” Zamaradi alisema.
Zamaradi pia alizungumzia kuhusu jinsi yeye na mchumba wake wanavyotatua changamoto zao akisema wanahakikisha kadri ya uwezo wao kwamba kuna amani wakati wote katika ndoa yao.
Akigusia suala la kumtundika mumewe kwenye bango, mtangazaji huyo alisema kwamba alifanya hivo ili dunia ipate kuelewa ni kwa jinsi gani anampenda numewe na kwamba yuko tayari kulipigania penzi lao kwa hali na mali.
