Mama mmoja katika kaunti ya Kericho amewapa mapacha wake wachanga majina baada ya rais mteule William Ruto mteule na mkewe Rachel Ruto.
Brenda Chepkorir, 22, mkazi wa kijiji cha Roret katika kaunti ndogo ya Bureti alijifungua mvulana na msichana katika Hospitali ya Rufaa ya Kaunti ya Kericho mnamo Agosti 10, saa chache baada ya kupiga kura katika Shule ya Msingi ya Reresik.
"Watoto wangu wote wawili wako katika hali shwari na wana amani kama vile amani iliyopo nchini," alisema.
Katika mahojiano na KNA katika kituo cha matibabu, Chepkorir mwenye furaha alisema aliamua kuwapa majina watoto wake wa kwanza muda mfupi baada ya kujifungua ili kuadhimisha uchaguzi mkuu uliokamilika.
“Nina furaha kwamba Wakenya walifanya amani wakati wa uchaguzi, hivyo niliamua kuwapa majina ya Rais mteule, Dkt William Ruto na mkewe Rachel Ruto mapacha wangu kwa sababu ni kiongozi anayependa amani,” Chepkorir alieleza.
Kura hizo zilizokuwa na upinzani mkali ziliwakutanisha Naibu Rais William Ruto na mgombea urais wa Azimio la Umoja, Raila Odinga.
“Mnamo Agosti 9, nilienda kupiga kura yangu katika Shule ya Msingi ya Reresik na mara baada ya kufika nyumbani kwangu nilianza kupata uchungu wa kuzaa na familia yangu ilinikimbiza katika Hospitali ya Rufaa ya Kaunti ya Kericho ambako nilijifungua mapacha wangu kupitia upasuaji mwendo wa saa mbili usiku," Chepkorir alisema.
Matukio ya Wakenya kuwapa majina watoto waliozaliwa wakati wa matukio muhimu si ya kawaida nchini Kenya.
Mwaka wa 2015 wakati Rais wa zamani wa Marekani Barack Obama alipozuru Kenya, baadhi ya akina mama waliwataja watoto wao wachanga wa kiume jina lake.
Wakenya walipiga kura tarehe 9 Agosti 2022 ili kuwachagua viongozi wanaowapendelea, wakiwemo Rais, Magavana, Maseneta, Wabunge wa Bunge la Kitaifa, Wawakilishi wa Wanawake pamoja na wawakilishi wadi.
TAFSIRI:Moses Sagwe
